Txhua tag kis sawv ntxov, ua ntej thaum lub ntuj kaj. Nyob rau ntawm thaj av Thuan Chau, Son La, tus muam Lo Thi Buoi – tus tswv ntawm lub HTX ua liaj ua teb E Farm twb sawv lawm. Tus muam Buoi tsis yog yuav pub qaib dub thiab tu vaj taum dub xwb, nws ho tseem yuav siv nws lub xov tooj los thaij duab thiab video txhua yam thaum lub sijhawm zoo nkauj tshaj plaws ntawm E Farm.
Twb vim muaj kev cob qhia cov ntsiab lus ntawm kev tsim cov ntsiab lus muab sau tseg, Efarm daim lub fanpage ziag no tsis yog ib cov duab khoob xwb nws yog ib qhov chaw rau cov neeg siv khoom tuaj nrhiav nyeem txog keeb kwm ntawm cov zaub mov huv thiab kev rau siab ntawm pem xeem toj siab. Txhua tsab xov xwm tus muam Buoi muab sau rau saum facebook yog ib kauj ruam tom ntej hauv kev siv cong nghe coj los ua noj ua haus, ua liaj ua teb. Ib ruam zuj zus pem roob mus rau nram nroog, khoom muaj nqig nthuav mus rau ntiaj teb. Nws nrhiav tau nyiaj los tsis tu ncua rau nws tus kheej, muaj cov neeg siv khoom tshiab thiab tseem muaj nce mus ntxiv tus nqi rau cov khoom uas twb muaj lawm. Peb thiab koj tos ntsoov rau efarm cov khoom tshiab.
IDAP txoj hauj lwm tsis yog tsuas nqa cov cuab yeej so muab rau lawv. Peb zoo li tus pab zes hluav taws rau cov pej xeem zoo li niam laus Buoi no kom txhab ib tus taws kom lub qhov cub cis laam lug rau suav dawg pom peb lub neej nyob toj siab ntawm Nyab Laj teb yim hnub yim zoo mus.
Thov nej ho los nrog peb saib cov kev pab ntam IDAP rau cov poj niam nyob pem toj siab nawb.
HAIS TXOG IDAP LUB LUAS HAUJ LWM
IDAP (Inclusive Digital Acceleration Program) –” Ntxiv Zog Txoj Kev Hloov Pauv Txhua Txhij số Rau Cov Tuam Txhab Nruab Nrab thiab Me (DNNVV)” tsom mus rau kev ua liaj ua teb thiab ncig teb chaws nyob rau Lào Cai thiab Sơn La, yog tau GREAT pab nyiaj. (Lub luas hauj lwm Thawb nqa Poj niam txiv neej txoj kev sib npaug dhau ntawm kev txhawb siab txoj kev Ua liaj ua teb khwv nyiaj thiab Txhim kho kev mus ncig teb chaws) lub Tuam txhab KisStartup Corporation yog tus uas tuav tes nrog thiab yog tus nqis tes ua ntawm xyoo 2024 txog 2027.
Txhua yam xav nug zoo siab xa xov
- Fanpage: https://www.facebook.com/kisstartup
- Website: https://www.kisstartup.com/
- Email: hello@kisstartup.com
- Hu rau:(+84) 0392161403 (Mr. Hiếu)
IDAP Việt Nam 